Tag Archives: Euskara

Euskarak ez du. Euskara da. Abenduak 3, Euskararen Nazioarteko Eguna

1949. urtean Eusko Ikaskuntzak Euskararen Nazioarteko Eguna ezarri zuen.  1995ean Eusko Jaurlaritzak eta Euskaltzaindiak bat eginik, Euskararen Nazioarteko Eguna instituzionalizatu egin zuten eta abenduaren 3an izango zela ezarri zuten.

Harrezkero, euskararen erabilera eta euskara bera sustatzeko asmoz, hainbat elkarte, erakunde publiko eta herritarrek milaka ekitaldi antolatu dituzte egun seinalatu horretan, Euskal Herriko bazter guztietan, euskara bultzatu eta omentzeko.  Hego Euskal Herriko hiriburuetan antolatutako ekimenen laburbilduma Eitb.eus-eko esteka honetan topatuko duzue. Bizkaiko Foru Aldundiak bere webgunean jaso ditu horietako batzuk.

Euskal Herrian ez ezik, munduko beste hainbat herrialdetan ere ospatzen da Euskararen Nazioarteko Eguna: Ameriketako Estatu Batuetan, Mexikon, Argentinan, Irlandan, Alemanian, Italian… Bartzelonan, Washingtonen eta Parisen ere euskara goraipatzen da abenduaren 3an.

Azken urteotan, lan asko egin da euskararen jakintza bultzatzeko, eta lortu da. Baina erabilerak behera egin du nabarmen.  Euskararen hutsunea nabarmena da hedabideetan, eskolan, familian edota aisian. Baina bereziki lan munduko egoera txarra aipatu du Ibon Manterolak. Beraz, oraindik ere lan asko dago egiteko.

“Zer egin dezaket nik euskararen alde?” da Euskararen Eguneko aurtengo leloa.   Nork bere neurriko erantzuna emanez, denok egin  dezakegu zerbait euskararen alde. Konpromiso pertsonala hartu, eta ez ahaztu: gaur bai, baina datorren 364 egunetan ere euskaraz koloreztatu behar ditugula kaleak, ikastetxeak, eta nola ez, sare sozialak.  

zer-egin-dezaket

Bukatzeko, sarean topatu dudan bideo interesgarri bat partekatu nahi dut zuekin.

Euskarak ez du.  Euskara da.

Euskararen Nazioarteko Egunaren harira Cabinet Komunikazioa taldeak egindako bideoak ageria uzten du euskarak berezko balioa duela.

Advertisements

Euskararen Nazioarteko Eguna/ Día internacional del Euskara

Gaur, abenduaren 3an, Euskararen Nazioarteko Eguna da. Euskararen Nazioarteko Eguna adierazpen instituzionala irakur dezakezue estekan klikatuz.

Urtero bezala hainbat ekitaldi antolatuko dira eguna ospatzeko, honek laguntza ematen baitdio Euskarari. Baina kontua ez da urtean behin, egun batean, Euskara eguna ospatzea edo Euskarari buruz hitz egitea baizik eta Euskaraz bizi izatea.
Euskaldun egiten gaituen hizkuntzaren nazioarteko egun honetan, Gara egunkarian irakurri ditudan bi artikulu interesgarri aurkeztu nahi dizkizuet:
Iratxe Esnaolak idatzitako Euskararen normalizazioa 2.0 eta Ainara Iraetak egindako Euskara, zure aukera pertsonala. Ikuspegi ezberdinetatik eginda daude baina bietan ideia interesgarriak adierazten dira.

Iratxek bere artikuloan Euskara egungo mundura egokitu behar dugula dio, Euskarak edozertarako balio behar duelako. Beraz «Euskararen normalkuntza» kontzeptuak teknologien eremua ere, bere baitan bildu behar du. Euskal hiztunok eraldaketaren beharraz jabetzea ezinbestekoa da, ardura hori gure gain hartuz. Hortik dator «euskararen normalizazioa 2.0» izenburua.

Euskararen Nazioarteko Eguna

Euskararen Nazioarteko Eguna

Internetek ateak irekiak ditu Euskararentzat. Internetek, Euskara mundu mailako hizkuntza bilakatzen du. Mundura begira jartzen gaituen leihoa baita, munduak gu ikusteko leihoa den neurri berean. Software librea da Euskarak teknologien mundurako irekita aurkituko duen beste atea. Internet eta software librea dira euskal hiztunok ditugun baliabide eranginkorrak. Onura atera dezagun! Haien indarraz baliatuko gara!

Ainarak euskararen egoeraz datu batzuk aurkezten dizkigu, adibidez: D ereduan dabiltzan ume eta gazteen kopuruak nabarmen egin du gora azken urteotan. Baina datu hauek positiboak badira ere, ezin da ahantzi euskara oraindik ere ahul dagoela EAEn, aipatzekoak dira erabileraren inguruan dauden arazoak.

Ainarak dio ospakizun hauen antzutasunaz mintzatzen direnak badira, hots, hizkuntza baten normaltasuna lortzeko horrelako egunak desegokiak direla ziurtatzen dutenak. Ospakizun honekin bat egitea aukera pertsonala izango dela, egunero gizakiak egiten dituen beste hainbat aukera bezala, euskarari bizia ematea edo lo uztea aukera pertsonala den bezala. Gurea. Bakoitzak erabakiko du bere bizitza zein hizkuntzatan egin nahi duen, zein mintzaira erabiltzen duen, baina hizkuntza bakoitzaren atzean mundu bat ezkutatzen da, altxor bat eta euskararen altxorra guk aberastu dezakegu eta geuk gozatu. Aberastu eta goza dezagun!

Hoy, 3 de Diciembre de 2008, celebramos el Día Internacional del Euskera. Con este motivo os comento un par de artículos que he leído en Gara: el primero, escrito por Itziar Esnaola, se titula “La normalización del euskara 2.0”  y  el segundo, de Ainara Iraeta, tiene por título “El Euskara, tu opción personal”. Escritos desde diferentes perspectivas, pero los dos muy interesantes.

Además incluyo el enlace a la declaración institucional del Día Internacional del Euskara 2008.