Urtero bezala otsailaren 4an, Agate Deunaren bezperan, Euskal Herriko hiri eta herrietako kaleak kantuz beteko dira. Goizez haurrak eta gauaz helduak kalez kale ibiliko dira koplak abesten eta oles egiten, hau da, atejoka ibiltzen laguntza eske, dirua edo janaria eskatzen gehienetan.
Aintzaldun daigun Agate Deuna bihar da ba Deun Agate etxe honetan zorion hutsa betiko euko al dabe.
Deun Agatena batzeko gatoz aurten be igazko berberak igaz lez hartu gagizuez eta zabaldu zuen sakela. Opa deutsegun osasun eta Jaungoikoaren eskerra zuen bitartez txiro ta umilak ez dabe izango beharra Orain bagoaz alde egitera agur dautsugu gogotik Agate Deuna bitarte dala ez eizue izan kalterik...EUP!! Hemen duzue Agate Deunaren historia. Santurtziko Udal Euskaltegiko gunean informazio interesgarria aurkitu dut ospakizunaren jatorriaz. Badirudi, jai horien sustraian gizon-emakumeen arteko harreman amodiozkoak zirela nagusi. Era askotako bertsoak ezagutzen dira eta herri-bertsolariak zuhur ibiltzen dira bertsook apaintzen, bakoitzari berea botateko. Helbide honetan, "Agate Deuna Bizkaia aldeko Gorbeia inguruan" artikuluan, bertso bilduma interesgarri bat irakurri ahal duzue. Azkeneko Agurren artean limosnarik ematen ez duenari dedikatutakoa aukeratu dut eta hemen duzue: LIMOSNARIK EMOTEN EZ DAUANARI Erbia dago azatzan erbikumea babatzan etxe ontako uzaba jauna samarañoko kakatzan.
Deialdi ugari egon dira egun hauetan jendea parte hartzeko:
Kaixo.
Abestiaren 7. lerroko hitzak hauexek dira:
“igaz lez hartu gagizuez ta” [ihaz bezala har gaitzazue eta].
Mila esker zure iruzkinagatik, Gontzal!
Zuzendu dut.
Marije Uraga