Getxoko Berritzeguneko zonaldeko ikastetxea askok, ikasturte honetan,  Elkarbizitza proiektua aurrera eramango dute. 2008ko maiatzean egindako deialdian parte hartu zuten eta haien proiektuak onartuak izan ziren. Haien helburuak Elkarbizitza Behatokia eratzea eta Urteko Elkarbizitza Plana egitea izango dira.

Elkarbizitza proiektua duten Lehen Hezkuntzako ikastetxeak ondorengoak dira:

• Berango Merana (Berango)
• Elortza (Urduliz).
• Legardalde (Mungia)
• Romo (Getxo).

Elkarbizitza proiektua duten Bigarren Hezkuntzakoak hauek dira:

• Lauaxeta (Mungia)
• Sopela (Sopelana)
• Uribe Kosta (Plentzia)

Proiektu hauek koordinatzeko, aholkularitza emateko eta jarraipena egiteko bi mintegi antolatu dugu Getxoko Berritzegunean: Bigarren Hezkuntzakoaren koordinatzailea Loli Iglesias da eta Lehen Hezkuntzakoa Marije Uraga.

Mintegien bi saio izan ditugu eta lehen saio hauetan elkarrekin egon gara Lehen eta Bigarren hezkuntzakoak, baina proiektuan aurrera doazen neurrian, gure antolaketa egokituko dugu ikastetxen beharrei erantzuna emateko, denok dakigu  etapa bakoitzak bere ezaugarri eta berezitasunak dituela.

Guztira, 14 lagun dira mintegira etortzen direnak eta oso animatuta datozela esan behar da. Ikastetxeen esperientziak, zaitasunak, estrategiak, tresnak eta abar… elkar trukatzeko gunea da gure mintegia eta saioak oso emankorrak izan dira momentuz.

Proiektu guztiak martxan jarri dira. Sensibilizazio fasea garatzen ari dira eta guztietan giroa pizteko jarduerak antolatu dira: Logoen kanpainak, hitzaldiak, gurasoen bileretan proiektuaren aurkezpenak…

Blogaren orri hau proiektu hauei buruzko berriak emateko erabiliko dut eta inplikatuta dauden ikastetxeen ekarpenak lortzen saiatuko naiz.

Elkarrekin.org-en talde bat eratu dut  mintegian aurkezten eta erabiltzen diren material guztiak kokatzeko, elkartrukatzeko eta handik eskuratzeko, baina horretarako taldeko harpidea izan behar da.

B07ko Lehen Hezkuntzako irakasleen Bloga. Esperientziak, proposamenak, iritziak… konpartitzeko gunea.

Arduraduna: Marije Uraga.

B07ko Lehen Hezkuntzako Aholkularia.

Bizkaia maite. Benito Lertxundi

BIZKAIA MAITE